Á Íslandi er ekkert gefið, ekki einu sinni í júlí. Garðveisla sem er skipulögð fyrir sól getur fengið rigningu, kalda golu eða hvassviðri. Góðu fréttirnar eru að það þarf ekki mikið til að veislan lifi af hvaða veður sem er, ef þú undirbýrð þig fyrir það.
1. Tjald gegn rigningu
Veislutjald gefur gestunum þak yfir höfuðið svo veislan heldur áfram þótt rigni. Tjöldin okkar eru með vatnsheldum dúk og galvanhúðaðri stálgrind, og gluggaspjöldin hleypa inn dagsljósi svo það verður ekki dimmt inni.
Ef spáin er góð geturðu tekið hliðarnar af og haft tjaldið opið. Ef það rignir eða kólnar lokar þú þeim.
2. Hitarar gegn kulda
Jafnvel á sumrin kólnar hratt þegar sólin lækkar. Útihitararnir okkar ganga fyrir rafmagni og mega því vera inni í tjaldinu, þar sem opinn eldur og gashitarar eru óheimilir. Gott viðmið er einn hitari fyrir 4×5 m tjaldið og tveir fyrir 5×8 m tjaldið, og einum fleiri á köldu kvöldi. Haltu hliðum tjaldsins lokuðum svo hitinn haldist inni. Nánar í greininni hve marga útihitara þarf.
3. Vindurinn ræður
Rigning og kuldi eru leysanleg, en vindur er það sem getur stöðvað tjald. Af öryggisástæðum reisum við ekki tjöld, og tökum þau niður, ef meðalvindur fer yfir 10 m/s eða hviður yfir 15 m/s. Það á líka við ef þú reisir tjaldið sjálf/ur.
- Fylgstu með spánni á vedur.is nokkrum dögum fyrir veisluna og skoðaðu bæði meðalvind og hviður.
- Skjól skiptir máli. Tjald í skjóli við hús eða limgerði finnur minna fyrir vindinum en tjald á opinni flöt.
- Festu tjaldið niður við alla fætur með því sem fylgir, jafnvel þótt spáin sé góð.
Ef spáin stefnir yfir mörkin höfum við samband við þig í tæka tíð svo þið getið fundið lausn saman.
4. Plan B
Góð garðveisla á sér alltaf varaáætlun. Hugsaðu fyrirfram hvar gestirnir eiga að vera ef tjaldið kemst ekki upp: í bílskúrnum, í stofunni eða á yfirbyggðum palli. Borð og bekkir, bjórdæla og glös virka jafn vel inni.
5. Undirlagið
Grasflötin verður blaut og mjúk í rigningu. Reistu tjaldið á sléttu og föstu svæði og forðastu lægðir þar sem vatn safnast. 5×8 m tjaldið þarf minnst 6 × 9 m og 4×5 m tjaldið minnst 5 × 6 m, auk 3 m lofthæðar.
Gátlisti fyrir veðrið
- Veislutjald í réttri stærð, með hliðum
- Einn útihitari á hverja 20 m² tjalds, og einum fleiri á köldu kvöldi
- Útisnúrur sem þola álagið, helst ein grein í rafmagnstöflunni á hvern hitara
- Veðurspáin skoðuð 3 dögum og 1 degi fyrir veisluna
- Plan B ef vindurinn fer yfir mörkin
Allt þetta getur þú leigt á einum stað og fengið sent heim. Skoðaðu búnaðinn eða fáðu tilboð fyrir veisluna.
Algengar spurningar
Er hægt að hafa veislutjald í rigningu?
Já. Dúkurinn er vatnsheldur og með hliðarnar á helst rigningin úti. Vindurinn er það sem ræður hvort tjaldið getur staðið.
Hvað má vera mikill vindur fyrir veislutjald?
Við reisum ekki tjöld, og tökum þau niður, ef meðalvindur fer yfir 10 m/s eða hviður yfir 15 m/s.
Má nota gashitara í veislutjaldi?
Nei, opinn eldur og gashitarar eru óheimilir í tjaldinu. Rafmagnshitararnir okkar eru gerðir fyrir þetta.