Leiðbeiningar fyrir leigubúnaðinn

• Athugaðu veðurspána. Tjaldið er ekki reist ef meðalvindur fer yfir 10 m/s eða hviður yfir 15 m/s.
• Svæðið þarf að vera slétt og fast, minnst 6 × 9 m, með 3 m lofthæð án greina, þakrenna eða lína.
• Hreinsaðu steina, greinar og annað hvasst af svæðinu svo dúkurinn rifni ekki.
• Fáðu hjálp. Það þarf minnst fjóra til að lyfta þakgrindinni.

Hæð við hliðar 2,00 m og 2,85 m undir mæni.

1. Leggðu allar stangir og horn á jörðina eins og á teikningunni hér að ofan.
2. Settu sperrurnar saman: langa stöng (2) og stutta stöng (1) saman með tengihólki (4). Langa stöngin snýr að þakbrúninni og sú stutta að mæninum.
3. Stingdu samsettu stöngunum í hornin svo öll þakgrindin liggi samsett á jörðinni. 110° hornin (5 og 6) fara á langhliðarnar og 140° hornin (7 og 8) á mæninn í miðjunni.
4. Lyftið annarri langhliðinni og stingið fótunum (3) í hornin þeim megin.
5. Dragið þakdúkinn yfir grindina og bindið hann vel fastan.
6. Lyftið hinni langhliðinni og stingið restinni af fótunum í.
7. Hengdu hliðarspjöldin á og gaflana á endana.
8. Festu tjaldið niður með því sem fylgir og farðu hringinn til að athuga að öll tengi sitji föst og dúkurinn sé vel bundinn.

• Enginn opinn eldur, grill eða gashitari inni í tjaldinu. Rafmagnshitararnir okkar eru í lagi.
• Ef vindur fer yfir mörkin: farðu með gestina út og taktu tjaldið niður. Ertu óviss? Hringdu í 778 8817.

1. Taktu hliðarspjöldin og gaflana af og brjóttu þau saman.
2. Losaðu festingarnar, lyftið annarri hliðinni og takið fæturna úr þeim megin, svo hinni.
3. Leystu þakdúkinn og taktu hann af grindinni. Taktu svo grindina í sundur.
4. Hristu gras og óhreinindi af dúkunum og settu allt aftur í pokana. Er dúkurinn blautur? Láttu hann þorna ef þú getur, annars láttu okkur bara vita.

• Athugaðu veðurspána. Tjaldið er ekki reist ef meðalvindur fer yfir 10 m/s eða hviður yfir 15 m/s.
• Svæðið þarf að vera slétt og fast, minnst 5 × 6 m, með 3 m lofthæð án greina, þakrenna eða lína.
• Hreinsaðu steina, greinar og annað hvasst af svæðinu svo dúkurinn rifni ekki.
• Fáðu hjálp. Það þarf minnst þrjá til að lyfta þakgrindinni.

Hæð við hliðar 2,12 m og 2,98 m undir mæni.

1. Leggðu allar stangir og horn á jörðina eins og á teikningunni hér að ofan.
2. Settu sperrurnar saman: langa stöng (2) og stutta stöng (1) saman með tengihólki (4). Langa stöngin snýr að þakbrúninni og sú stutta að mæninum.
3. Stingdu samsettu stöngunum í hornin svo öll þakgrindin liggi samsett á jörðinni. 110° hornin (5 og 6) fara á langhliðarnar og 140° hornin (7 og 8) á mæninn í miðjunni.
4. Lyftið annarri langhliðinni og stingið fótunum (3) í hornin þeim megin. Hornfæturnir fjórir með götunum fara í hornin.
5. Dragið þakdúkinn yfir grindina og bindið hann vel fastan.
6. Lyftið hinni langhliðinni og stingið restinni af fótunum í.
7. Hengdu hliðarspjöldin á.
8. Festu tjaldið niður með því sem fylgir og farðu hringinn til að athuga að öll tengi sitji föst og dúkurinn sé vel bundinn.

• Enginn opinn eldur, grill eða gashitari inni í tjaldinu. Rafmagnshitararnir okkar eru í lagi.
• Ef vindur fer yfir mörkin: farðu með gestina út og taktu tjaldið niður. Ertu óviss? Hringdu í 778 8817.

1. Taktu hliðarspjöldin af og brjóttu þau saman.
2. Losaðu festingarnar, lyftið annarri hliðinni og takið fæturna úr þeim megin, svo hinni.
3. Leystu þakdúkinn og taktu hann af grindinni. Taktu svo grindina í sundur.
4. Hristu gras og óhreinindi af dúkunum og settu allt aftur í pokana. Er dúkurinn blautur? Láttu hann þorna ef þú getur, annars láttu okkur bara vita.

• Settu hitarann á slétt og stöðugt undirlag, minnst 1 m frá tjalddúknum, veggjum og öllu sem getur brunnið.
• Ekki hylja hitarann og ekki hengja neitt á hann.
• Notaðu útisnúru sem þolir álagið og rúllaðu henni alveg af keflinu. Helst á hver hitari að vera á sinni grein í rafmagnstöflunni, ekki með bjórdælu, ofni eða hraðsuðukatli.

1. Stingdu hitaranum í samband.
2. Togaðu í spottann til að kveikja.
3. Hvert tog skiptir yfir í næstu hitastillingu. Stillingarnar eru þrjár.
4. Togið eftir síðustu stillinguna slekkur á hitaranum.

• Slökktu á hitaranum þegar enginn er nálægt og í lok kvöldsins, og taktu hann úr sambandi.
• Hitahausinn verður mjög heitur. Láttu hann kólna í nokkrar mínútur áður en þú færir hann eða snertir.
• Slær rafmagnið út? Þá er of mikið á sömu grein. Færðu hitarann í innstungu á annarri grein.

1. Leggðu borðið á hliðina eða á hvolf á mjúkt undirlag, til dæmis gras, svo borðplatan rispist ekki.
2. Felldu fæturna út þar til þeir læsast. Gerðu eins við báða enda.
3. Snúðu borðinu við og stilltu því upp. Athugaðu að læsingarnar haldi áður en nokkur sest.
4. Settu bekkina upp á sama hátt.

1. Leggðu borðið eða bekkinn á hliðina.
2. Losaðu læsinguna og felldu fæturna inn. Passaðu fingurna.
3. Strjúktu af borðplötunni ef eitthvað hefur hellst niður.

1. Hafðu dæluna á stöðugu borði og kútinn við hliðina eða á gólfinu fyrir neðan. Geymdu kútinn í skugga og á svölum stað.
2. Stingdu dælunni í samband við venjulega innstungu.
3. Kveiktu á rofanum aftan á dælunni.
4. Snúðu hnappnum framan á dælunni (0–7) á 7. Þá er bjórinn kaldastur og froðan minnst.
5. Gefðu dælunni um 10 mínútur til að kæla áður en þú hellir fyrsta glasið.

• Hægra megin við svarta handfangið er silfurrofi sem stýrir rennslinu og froðunni.
• Neðst kemur mest úr krananum, en þá er líka mest froða.
• Því ofar sem rofinn er, því minni froða og því auðveldara að hella. Alveg efst kemur ekkert út.
• Haltu glasinu á ská undir krananum, togaðu svarta handfangið alveg fram og réttu glasið af þegar það fyllist. Lokaðu krananum alveg á eftir.
• Mikil froða? Færðu silfurrofann aðeins ofar, athugaðu að hnappurinn framan á sé á 7 og bíddu um 30 sekúndur á milli glasa. Fyrstu glösin geta freytt meira.

1. Þú þarft ekki að slökkva á dælunni á meðan þú skiptir um kút.
2. Lyftu handfanginu á tenginu upp svo það lokist og taktu tengið af tóma kútnum.
3. Settu tengið á nýja kútinn á sama hátt og það sat á þeim gamla og þrýstu handfanginu niður þar til það læsist.
4. Helltu fyrsta glasinu. Það getur freytt aðeins.

• Nýi kúturinn þarf að vera með sama tengi og sá fyrri. Ertu óviss? Hringdu í 778 8817 áður en þú tengir.
• Dælan þrýstir á kútinn með venjulegu lofti, svo bjórinn í kútnum geymist best ef hann klárast innan tveggja sólarhringa frá tengingu.
• Í lok veislunnar: slökktu á rofanum aftan á, taktu dæluna úr sambandi, lyftu handfanginu á tenginu og taktu það af kútnum. Þurrkaðu af dælunni ef eitthvað hefur hellst niður.