Flestar veislur þurfa bjór, og þá kemur spurningin: kaupa kassa af flöskum og dósum, eða leigja bjórdælu og kút? Hvort tveggja virkar. Hér er samanburðurinn svo þú getir valið það sem hentar þinni veislu.
Samanburður
| Bjórdæla og kútur | Flöskur og dósir | |
|---|---|---|
| Kæling | Dælan kælir bjórinn jafnóðum. Enginn klaki eða kæliskápur. | Þarf ísfötur, klaka eða kæliskáp, og bjórinn hitnar ef hann stendur úti. |
| Pláss | Dæla á borði og kútur við hliðina. | Margir kassar sem þarf að geyma og kæla. |
| Rusl | Einn kútur sem fer aftur. | Fullir pokar af tómum flöskum og dósum. |
| Upplifunin | Barstemning og nýhelltur bjór í glasi. | Hver sækir sér sjálfur úr kælinum. |
| Úrval | Ein tegund á hvern kút. | Hægt að hafa margar tegundir. |
| Rafmagn | Þarf venjulega innstungu. | Ekkert rafmagn. |
Hvenær borgar bjórdælan sig?
- Þegar gestir eru 25 eða fleiri. Einn 30 lítra kútur gefur um 85 glös af 0,35 l, sem dugar vel fyrir 25–30 manna kvöld.
- Þegar veislan er úti eða í tjaldi. Dælan kælir bjórinn sjálf, svo þú þarft ekki að hafa áhyggjur af því að hann hitni.
- Þegar þú vilt minna vesen. Engar ísfötur að fylla á og engir pokar af tómum dósum í lok kvöldsins.
Hvenær eru flöskur betri?
- Lítil veisla. Fyrir 10–15 gesti er oft einfaldara að hafa kassa í kælinum.
- Margar tegundir. Ef gestirnir vilja velja á milli margra tegunda, eða ef margir drekka óáfengan bjór, eru flöskur sveigjanlegri. Það er líka hægt að hafa dælu fyrir aðalbjórinn og nokkrar flöskur til hliðar.
- Ekkert rafmagn. Dælan þarf venjulega 230 V innstungu.
Um bjórdæluna okkar
Bjórdælan er nett borðdæla sem kælir bjórinn um leið og hann rennur í gegn, svo hvorki þarf ís né vatn. Innbyggð loftdæla þrýstir á kútinn, svo þú þarft ekkert CO₂-hylki. Hún afkastar 20–35 lítrum á klukkustund og leigan er 14.990 kr. á dag.
Við tengjum dæluna á staðnum þér að kostnaðarlausu. Þú leggur til kútinn. Láttu okkur vita hvaða kút þú ætlar að nota þegar þú bókar, svo við getum staðfest að tengið passi. Bjórinn geymist best ef kúturinn klárast innan tveggja sólarhringa frá tengingu.
Ekki gleyma glösunum
Bjór úr dælu á heima í glasi. Þú getur leigt bjórglös á 190 kr. og skilað þeim óþvegnum, eða keypt einnota plastglös, 50 stykki í pakka, ef veislan er úti eða stór.
Algengar spurningar
Hve mörg glös eru í 30 lítra bjórkút?
Um 85 glös af 0,35 l.
Þarf CO₂ fyrir bjórdæluna?
Nei. Dælan er með innbyggða loftdælu sem þrýstir á kútinn, svo ekkert CO₂-hylki þarf.
Fylgir kútur með bjórdælunni?
Nei, þú leggur til kútinn. Láttu okkur vita hvaða kút þú ætlar að nota svo við getum staðfest að tengið passi.