Glösin eru eitt af því sem gleymist þangað til klukkutími er liðinn af veislunni og ekkert hreint glas er eftir. Hér er hve mörg þú þarft, hvaða tegundir og hvenær borgar sig að velja gler eða plast.
Hve mörg glös á gest?
Gerðu ráð fyrir 2–3 glösum á hvern gest yfir kvöldið ef ekki er vaskað upp á staðnum. Fólk leggur frá sér glasið, gleymir hvar og nær í nýtt. Ef boðið er upp á bæði bjór, vín og kokteila þarf hver gestur oft fleiri en eitt glas af hverri tegund sem hann drekkur.
Hvaða glös fyrir hvaða drykk?
| Glas | Fyrir | Leiga á dag |
|---|---|---|
| Bjórglas, 38 cl á fæti | Bjór úr dælu eða flösku | 190 kr. |
| Vínglas, 49 cl | Rautt og hvítt | 349 kr. |
| Kokteilaglas, 27 cl skál á fæti | Kokteilar bornir fram án klaka | 249 kr. |
| Highball-glas, 34 cl | Langdrykkir, gos, vatn og óáfengir drykkir | 190 kr. |
| Lowball-glas, 33 cl | Kokteilar á klaka | 190 kr. |
Dæmi: 50 gestir
Í 50 manna veislu með bjór, víni og kokteilum gæti blandan verið 50 bjórglös, 40 vínglös og 35 kokteilaglös. Það eru 125 glös og leigan er 32.175 kr. fyrir daginn. Þú skilar þeim óþvegnum og við sjáum um uppvaskið.
Gler eða plast?
Glerglös gera meira fyrir veisluna. Drykkurinn bragðast betur, borðið lítur betur út og ekkert plast fer í ruslið. Einnota plastglös eiga þó sinn stað:
- Úti á grasi og í tjaldi þar sem glas getur dottið og brotnað.
- Þegar börn eru á ferðinni eða veislan er mjög fjölmenn.
- Við bjórdæluna þegar margir koma í röð og glösin hverfa hratt.
Plastglösin okkar eru 40 cl, úr endurunnu rPET og seld 50 í pakka á 2.794 kr. Margir velja blöndu: gler við matarborðið og plast við dæluna úti.
Þarf að vaska upp?
Nei. Þú skilar glösunum óþvegnum og við sjáum um uppvaskið. Flutningur til og frá er frír á höfuðborgarsvæðinu*. Sjá líka glasaleiguna. *Fyrir pantanir yfir 10.000 kr.
Algengar spurningar
Hve mörg glös þarf fyrir 100 manns?
Um 250 glös, eða 2–3 á gest, ef ekki er vaskað upp á staðnum.
Þarf ég að vaska upp leiguglösin?
Nei, þú skilar þeim óþvegnum og við sjáum um uppvaskið.
Hvað kostar að leigja glös?
Frá 190 kr. á glas á dag. Vínglös kosta 349 kr. og kokteilaglös 249 kr.